بەڕێوەچوونی خۆپیشاندان!


بە مەبەستی مە‌حکووم کردنی داگیرکاری و توند و تیژی دژ بە هاوڵاتیانی هەریمی کوردستان کە لە ماوەی چەند ڕۆژی ڕابردوودا و دوا بە دوای هێرشکان بۆ سەر کەرکووک و ناوچە کوردستانیەکانی دیکە ڕووی داوە، لە سەر بانگەوازی سێ ڕێکخراوی بەرگریکاری مافەکانی مرۆڤ، ژمارەیەک لە کوردستانیانی دانیشتووی شاری ژنێڤ و چالاکانی مافەکانی مرۆڤ، خۆپیشاندانێکیان لە بەر دەم بارەگای نەتەوە یەکگرتووەکان لە شاری ژنێڤ ڕێک خست.
لە خۆپیشاندەکەدا چەندین بەیاننامە دژ بە توند و تیژییەکان خوێندرانەوە و داوا لە هەر دوو ‌کوومەتی کوردستان و عێراق کرا کە دەس بە جێ بکەونە دیالۆگەوە و هەوڵی ئاسایی کردنەوەی بارودۆخەکە بدەنەوە. هەر وەها داوا لە ڕای گشتی و کۆمەڵگای نێۆ نەتەوەیی کرا ڕۆڵی خۆیان بۆ ڕاگرتنی توند و تیژییەکان و چوونە دەرەوەی میلیشیاکانی سەر بە ‌حکوومەتی ئێران جێبەجێ کەن.
هەر لەو پەیوەندیەشدا نامەیەک بە واژۆی خۆپیشاندەرانی هەر چوارپارچەی کوردستان پێشکەش بە نەتەوە یەکگرتووەکان کرا و داواکاری خۆیانیان پێ ڕاگەیاندن.
دەقی بەیاننامە خۆپیشاندەران:
بەیاننامەی خۆپیشاندەران
دوا بە دوای هێرشی هێزە عێراقییەکان و ملیشیای حەشدی شەعبی و سوپای پاسدارانی ڕژیمی ئیسلامی ئێران، بۆ سەر هەریمی کوردستان، لە نیوە شەوی یەکشەممە ١٥ی مانگی ئۆکتۆبری ٢٠١٧دا، کوردستان و ناوچەکە بە جۆرێک تووشی ناسەقامگرتووی بووە، بە شێوەیەک کە ژیانی هاوڵاتیانی مەدەنی و ئاشتی و تەبایی لە ناوچە کوردستانیەکان خستووەتە مەترسیەوە.
گرینگە بزانرێ کە کوردستان پێشوازی لە یەک میلیۆن و نیۆ پەنابەری شەڕی دژ بە داعشی کردوە و دەیکات.
لە ڕابردوودا، پێشمەرگە، هێزی پارێزەری کوردستان، شەڕیکی قارەمانانەیان دژ بە داعش ئەنجام داوە بۆ پاراستنی هاوڵاتیانی ناوچەکە و بەرگری کردن لە بایەخە مرۆییە پێشکەوتنخوازانەکانی دونیای دەرەوە.
ئەو هەواڵانە کە لە کوردستانەوە پێمان دەگات زۆر جێگای نیگەرانی و دڵهەژێنن. دوا بە دوای هێرشی میلیشیاکانی حەشدی شەعبی سەر بە سوپای پاسدارانی ڕژیمی ئیسلامی ئێران، بە دەیان هەزار کورد، تورکمەن و عەرەبی سوننە، شاری کەرکووک و ناوچەکانی دەورو بەریان بە جێ هێشت. حکوومەتی بەغدا لە ساڵی ١٩٨٨ دا کوردەکانی لە شاری حەلەبچە کیمیاباران کرد. لە نەوەدەکان دا دەسەڵاتی ناوەندی بە هەزاران کوردی کۆمەڵکۆژ کرد و لە ماڵ و ‌دیاری خۆیان وەدەری نان.
ئەۆڕۆکە، لە ژێر بێدەنگییەکی ناڕەوای هێزە هاوپەیمانەکان و کۆمەڵگەی نێۆنەتەوەیی دا، ئەزموونی دیمۆکراسی کوردستان و دانیشتوانی ناوچەکە؛ کورد، تورکمەن، عەرەبی سوننە و کەمایەتییەکانی دیکە کەوتوونەتە ژێر هەڕەشەوە. 
ئێمە بیری گشتی کۆمەڵگای نێۆ نەتەوەیی و هێزە هاوپەیمانەکان لە ئەگەری کارەساتێکی مرۆیی ئاگادار دەکەینەوە. ئێمە، ئەو خۆپیشاندەرانە کە لەم شوێنە کۆ بووینەتەوە، نیگەرانی خۆمان لە بەرامبەر ئەو بارو دۆخە دەردەبڕین.
دەستێوەردانی میلیشیاکانی سەر بە تاران و بەغداد بۆ گۆڕینی بارستای هێز لەو هەریمە بە واتای کارەساتێکی گەورەیە بۆ گەلی هەریمەکە. هەروەها مەترسییەکی گەورەیە بۆ ئەمنیەت و پڕۆسەی دیمۆکراتیزاسیۆن. ئاشکرایە کە لەم ‌حەوتووانەی دوایی دا، هێزە هاوپەیمانەکان و کۆمەڵگای نێۆ نەتەوەیی ڕۆڵی خۆیان بۆ دەستەبەر کردنی دیالۆگ و ئاشتەوایی بۆ گەلی هەریمەکە بە جێ نە هێناوە.
ئێمە لێرەدا کۆبووینەتەوە بۆ مە‌حکووم کردنی توند و تیژییەکانی میلیشیای شێعە و هێزە حکوومەتییەکان و دەست تێوەردانەکانی ئێران لە کارو باری هەریمەکەدا، هەروەها کۆبووینەتەوە بۆ پرۆتێستۆ کردنی بێدەنگیی نەتەوە یەکگرتووەکان، وڵاتانی یەکیتی ئۆروپی و هێزە هاوپەیمانەکان.
ئێمە داواکارین :
• دەست تێوەردان بکرێت بۆ پاراستنی هاوڵاتیانی ئەو ناوچانە کە کەوتوونەتە ژێر کۆنترۆڵی هێزە عێراقییەکان و میلیشیای سەر بە ئێران،
• دەست بە جێ، دەست تێوەردان بکرێ بۆ دانانی سەقفێکی زەمەنی بۆ ئەنجامی دیالۆگ لە نێوان دەسەڵاتەکانی کوردستان و بەغداد بە مەبەستی دابین کردنی ئاشتی بۆ ناوچەکە،
• پشتگری ‌حکوومەتی کوردستان بکرێ بۆ گەڕاندنەوە ئارامی بۆ هەریم و بۆ پاراستنی کەمایەتییەکان.
• ڕێز لە مافی دیاریکردنی چارەنووسی هاوڵاتیانی هەریمەکە بگیردرێت.
لە گەڵ ڕێزماندا
خۆپیشاندەرانی بەر دەم بارەگای نەتەوە یەکگرتووەکان
٢٤ ئۆکتۆبری ٢٠١٧

خۆپیشاندان لە ژنێڤ

خۆپیشاندان لە ژنێڤ

خۆپیشاندان لە ژنێڤ

خۆپیشاندان لە ژنێڤ

خۆپیشاندان لە ژنێڤ

خۆپیشاندان لە ژنێڤ

خۆپیشاندان لە ژنێڤ

 






                                         © Copyright 2012, Zagros Human Rights Center